2021 жылғы 17 ақпанда Департамент басшысының орынбасары Алена Мальгаева Қостанай облысы әкімдігі жанындағы кәмелетке толмағандар істері жөніндегі комиссияның кеңейтілген отырысына қатысты. Бала кезінен мүгедектіктің өзекті мәселелері, орфандық аурулары бар балаларды дәрі-дәрмекпен қамтамасыз ету және қолдау, кәмелетке толмағандар арасында құқық бұзушылықтың алдын алу және ескерту, жетім балалар мен ата-анасының қамқорлығынсыз қалған балалар қатарынан білім беру ұйымдарының түлектерін тұрғын үймен қамтамасыз ету бойынша қабылданып жатқан шаралар қаралды. Бұдан басқа, өңірлік комиссиялардың кәмелетке толмағандар істері жөніндегі комиссиялар қызметінің тиімділігін арттыру жөніндегі шаралар туралы есептері тыңдалды.

Департамент ТжКБ ұйымдарын бейіндеу мәселесі бойынша іске асырылатын мамандықтардың ТжКБ ұйымының мәлімделген бейініне сәйкестігі бойынша талдау жүргізеді.Соңғы 5 жылда 14 колледждің лицензиясы мен лицензияға қосымшаларының қолданысы тоқтатылды, оның ішінде: 5 – жеке және 9 – мемлекеттік, сонымен қатар ЖОО жанындағы 2 колледж.Білім беру қызметін тоқтатқан барлық үлгідегі ұйымдарда Департамент мемлекеттік бақылау шараларын жүргізді.Департамент жүргізіп жатқан жұмыстың нәтижесінде 18(53%) колледждің 26 мамандық, 43 біліктілік бойынша даярлау жүзеге асырылмаған лицензияға қосымшасын қайтаруы болды. Оның ішінде 9 колледж білім беру ұйымының бейініне сәйкес келмейтін 9 мамандық, 11 біліктілік бойынша лицензияға қосымшаларды ерікті түрде қайтаруды жүзеге асырды.Ағымдағы жылы 5 колледждің 5 мамандық және 5 біліктілік бойынша лицензияға қосымшасын қайтару жоспарлануда.

Қостанай облысының білім саласында сапаны қамтамасыз ету департаменті «Білім беру ұйымдарынан шығатын ресми құжаттарды апостильдеу» мемлекеттік қызмет бойынша 2021 жылғы 5 қаңтар мен 15 ақпан аралығында 9 қызмет көрсетті. Мемлекеттік қызмет көрсетуден бас тартудың жалпы саны-5, оның ішінде жеке тұлғаларға – 5 ( ЭҮП – 5, ХҚКО арқылы – 0). «Білім беру ұйымдарынан шығатын ресми құжаттарды апостильдеу» мемлекеттік қызмет бойынша қызметті алушыларға келесі бас тартулар негіз болады:- шығу елі Гаага Конвенциясына қатысушы болып табылмаған;- мемлекеттік бажды төлеу туралы түбіртек мемлекеттік қызмет стандартының талаптарына сәйкес келмеген;- апостиль қою үшін ұсынылған білім туралы құжатты басқа елдің оқу орны берген;- оқу орны азаматтың оқу фактісін және білімі туралы құжат берілгенін растамаған;- апостиль қою үшін ұсынылған құжаттар білім туралы құжаттар болып табылмаған;- «Электрондық үкімет» порталында мемлекеттік қызметке жүгінген жағдайда шлюз арқылы мемлекеттік баждың төлемі жасалмаған.

Облыстың білім беру ұйымдарының Қостанай облысы әкімдігінің білім басқармасы ведомствосына көшуіне және білім беру ұйымдары атауларының өзгеруіне байланысты Қостанай облысының Білім саласындағы сапаны қамтамасыз ету департаменті облыс мектептерінің лицензияларын және лицензияларға қосымшаларын қайта ресімдеу бойынша жұмысты жүзеге асырады. Ағымдағы жылғы 15 ақпандағы жағдай бойынша 219 Мемлекеттік қызмет көрсетілді, оның ішінде 216 мектеп пен 3 колледжге. Алтынсарин, Амангелді, Жітіқара, Қамысты, Қарабалық, Науырзым аудандарының, Арқалық, Лисаков, Рудный қалаларының мектептеріне лицензиялар мен оған қосымшалар толық көлемде қайта ресімделді.Ұсынылған құжаттардың толық болмауы себебінен көрсетілетін қызметті алушыға – 1 мемлекеттік қызметті көрсетуден бас тартылды. Мемлекеттік қызмет көрсету мерзімдерінің бұзылуы тіркелген жоқ.

«Қазақстан Республикасы Білім және ғылым министрлігі Білім және ғылым саласында сапаны қамтамасыз ету комитетінің Қостанай облысының білім саласында сапаны қамтамасыз ету департаменті» ММ Департаменте білім беру ұйымдары педагогтерінің педагогикалық әдеп және құқықтарын қорғау мәселелері жөніндегі консультативтік-кеңесші органның(бұдан әрі – ККО) құрылғаны туралы хабарлайды.

ККО негізгі міндеттері:
1) Қазақстан Республикасының «Педагог мәртебесі туралы» Заңының нормалары және педагогикалық әдеп қағидаларының сақталуын қамтамасыз ету;
2) педагогикалық әдеп нормаларының бұзылуын ескерту және олардың алдын алуына бағытталған ұсынымдар әзірлеу;
3) қоғамда педагог мәртебесін арттыруға және нығайтуға бағытталған қызметті жүзеге асыру.

Консультативтік-кеңесші орган туралы Ережесіне сәйкес келесі ККО мүшелері анықталды:

• Қостанай облысы әкімдігінің білім басқармасы басшысының орынбасары;
• «Қостанай облысы Білім және ғылым ұйымдары қызметкерлерінің жергілікті кәсіптік одағы» қоғамдық бірлестігі төрағасының орынбасары;
• Қазақстан Республикасының Мемлекеттік қызмет істері агенттігінің Қостанай облысы бойынша департаментінің маманы;
• «Учительская плюс» апталық қоғамдық ақпараттық-білім беру газетінің бас редакторы;
• «Sinerdgi ғылыми-білім беру орталығы» қоғамдық қорының төрағасы;
• педагогикалық қоғамдастық өкілдері;
• заң практикасының өкілдері.

2021 жылғы 3 ақпанда Қостанай облысының Білім саласындағы сапаны қамтамасыз ету департаментінің басшысы О.Қаппасов Мемлекеттік қызметтер көрсету мәселелері жөніндегі ведомствоаралық жұмыс тобының отырысына қатысты.

Қостанай облысының Білім саласындағы сапаны қамтамасыз ету департаменті 1-5 ақпан аралығында Мектепке дейінгі білім беру ұйымдарындағы санитарлық-гигиеналық қондырғыларды жарақтандыру мәселесі бойынша мониторинг жүргізеді.

2021 жылғы 1 ақпанда Қостанай облысының Білім саласындағы сапаны қамтамасыз ету департаментінің басшысы О.Қаппасов Қостанай облысы әкімі А. Мұхамбетовтың облыстың аудандары мен қалаларының әкімдерімен, білім басқармасының басшысымен аппараттық кеңесіне қатысты. О.Қаппасов Қостанай облысының білім беру саласындағы 2020 жылғы мониторинг пен бақылау іс-шараларының қорытындыларын атап өтті, онда педагогикалық кадрлар, материалдық-техникалық база және облыс колледждерінде кадрлар даярлау білім берудің барлық деңгейлерінде дамытуды талап ететін басты бағыттар болып айқындалды. Білім беру ұйымдарын ақпараттық оқыту құралдарымен, бейнебақылау жүйелерімен, санитарлық-гигиеналық жағдайлармен қамтамасыз етудегі елеулі өзгерістер атап өтілді, бұл жергілікті атқарушы органдардың оқу-тәрбие процесін сапалы ұйымдастыру үшін барынша қолайлы жағдай жасауының нәтижесі болып табылады.

Ағымдағы жылғы 28 қаңтарда Қостанай облысының Білім саласындағы сапаны қамтамасыз ету департаментінің басшысы О.Қаппасов Қостанай облысы әкімдігінің білім басқармасы өткізген онлайн-кеңеске қатысты. Жұмыс жиналысына білім бөлімдерінің басшылары қатысты.

О.Қаппасов ведомстволық бағыныстылықтың өзгеруіне байланысты лицензиаттардың (орта білім беру ұйымдарына) лицензияларды қайта ресімдеу мәселелерін қозғады. Ол қатысушылардың назарын электрондық лицензиялау порталымен жұмыс істеуге аударды. Сондай-ақ, департамент басшысы түрлі себептер бойынша студенттерді даярлау жүзеге асырылмайтын техникалық және кәсіптік білім беру ұйымдарының лицензияларға қосымшаларды қайтаруы бойынша мәліметтерді айтты.